إنفِجار

خْلِقْنا بِلْ تسْعينات
رْبينا عَلْ إنفيجاراتْ

بالمدرسة تْعَلَّمنا يوم
وْفَرّصنا يومان
بِحِجِّة إنْو مات فولانْ

بالجامعة تْخانَقنا
على مين بَدّو يِتْزَعَّمْنا

نُصْنا نَجَح بالواسطة
ونُصْنا ما كان إِلو جلادة
فَ قَرَّر يَعْمِلْ شَعْرو راسْطة

وْبِتْشوفْ هَلْ بَناتْ زِهْقانة
كلّ وَحدة بِتْسَمي حالا ناشطة
بْتِتْفَرْكَشْ فِيا يابا عمْبِتْعَلِّق يافطة

بِأَشْغالْنا مِنْشوفْ أرباب أَعمالنا
عَمْبِنازعو كِرْمالْ يضَلّْ لبنان فوق راصْنا

تْعبْنا وما إلْنا جلادة نِشكي
وَلا نهاجِر وَلا نِبْكي

نَحنا بَدْنا نعيش
وهِنّي بين الثانية والثانية بْيَعْملولنا فيشْ

بَجَم حَوَشْ تَتَرْ
مِشكَلتون اللبناني مْعَلَّم ومْكَتّرْ

وأنا كلّ ما يِطلَع إنفِجار
بذَكِّركُنْ أنا مينْ
برْجَع بِتذَكَّرْ
إنّو بَطّلِت بِتْهِمني هَلْ سياسة من سنين

Advertisements